عن مدونة أفكاري
قسم الدقي والرحلة العجيبة
حراااان يا بشر حراااااااااان قومت وقلت الكلمة دي وأنا في المكتب وبدأت احكي فوائد البيت واعددها واقول يعني الواحد بقى لو في البيت مش الشغل دلوقتي كان زماني روحت قالع وقاعد قدام التليفزيون ومعايا قزازة مية ساقعة من التلاجة وقاعد تحت المروحة وما كملتش كلامي إلا ولاقيت اللي بيرد عليا وحتة جبنة وعنقودين عنب هو قال كده وأنا قلت بس هو كده يلا نجيب جبنة وعنب رد واحد زميل ليا يلا بس روح انت وانا ارد لا روح انت من هنا لهنا قلنا نروح احنا الاتنين ده طبقعاً كان في مستغربين ايه المجانين دول اللي عايزين يجيبوا عنب وجبنة الساعة 4 الفجر ربنا يشفي خرجنا وجبنا الجبنة ورايحين نجيب العنب وبنضحك وفجأة عدت قدامنا عربية تويوتا محملة ناس طبعا ً بفكاكتي وذكائي عرفت انهم من مغاوير الشرطة الأبطال بصيت لصاحبي وقلت له محمد دي حكومة مالحقش يرد عليا وإلا وهم قدامنا ونطق البطل الهمام اللي في عرش القيادة فين بطاقتك روحت بكل أدب ذي ما اتعودت طلعت الباسبور واللي هو المفروض وثيقة تتقبل في الكون كله واللي يثبت اني أليف ومش مؤذي بص لي وقال هي كلها بقت تشيل جوازات سفر طبعاً مارديتش شغال ايه ياض!!!!!!!!!!! ياض-ابن الغسالة ده بيشتمني ماشي يا بني أدمين- قلت له مهندس كمبيوتر بص لي كده بصة مش عجباني وقالي ايه اللي مخرجك دلوقتي وبتعمل ايه طبعا لو حكيت له موضوع العنب والجبنة هيبقى يومي اسود وهيفتكرني بتتريق عليه اختصرت الموضوع وقلت بجيب عشا عشان سهرانين في المكتب وحتى علبة الجبنة أهه لو مش مصدق- مين يصدق يا عبيط يا ابن العبيطة ده بياخد على الراس التحري 3 جنية يعني مش هيسيبك-المهم قالي اركب مش عارف ليه غالباً عشان انا شكلي شيوعي شوية مربي شعري ودقني ومعلق ميدالية التشي جيفارا روحت راكب وكان كل همي صديقي اللي كان معايا وده عشان هو مش من القاهرة هو من المنيا وبطاقته من المنيا وهيتبهدل وانا لو اتمسكت هروح قسم الدقي وممكن اروح قسم العمرانية -بلدنا- وطبعاً هلاقي فيه حد من آل كشري أو من جيراني الكويسين وهعرف اعيش جوه الحجز أو حتى أقابل علاء وهو بيخرج من القسم وتبقى فرصة سعيدة انا متتاخد تحري وهو سياسة وتبقى فرصة سعيدة واخليه يجرب معايا عيش الإعاشة وطبيخ منال المهم ياحضرات مشيت عربية المغاوير بيننا وطول ماهم ماشيين يلموا عيال في ثانوية عامة شباب شغالة في فنادق وشباب جامعية وشغال صاحبنا يلم اللي نازل يصلي الفجر واللي نازل يضرب له سيجارتين واحد من الشباب قالوا له ياباشا مش هينفع احنا لازم نتصل بصادق فؤاد مين صادق فؤاد ده لحد الوقت ده ما كنتش اعرفه رد الباشا وقال له هو صادق هيمنعنا من اننا نشتغل هنا وحمر عينه ونفخ ودانة وبربر وقال القانون لازم ينفذ بيني وبينكم استرجلت الراجل ده وقولت انه بينفذ شغله وبقيت اقول للناس ده ياجدعان عبد المأمور مالوش ذنب واديه متكدر معانا وكأني شتمته ولا سبيت له الدين اتدير ونعكش شعره وقال هو انت شايفني عسكري مجند متكدر قلت لا ياباشا بس انت حضرتك تعبان معانا وعمال تلف بيننا وربنا يعينك راح باصص لي بصة زكي رستم وقال مالكش دعوة- بقى ابن الغسالة ده يقولي مالكش دعوة طيب يا بني أدمين ما هو انا برضه فيلسوف ايه جرني من لساني - العيال بتوع الثانوية العامة بيعيطوا عشان امتحاناتهم والشباب اللي واخد على كده مقضيها عادي وماشيين وانا بفكر واستعد وبقول دي تجربة كويسة عشان درب نفسي لو اعتقلت اكون عارف شوية من اي حاجة من اللي هتجرالي وفي أثناء ما انا بفكر والعربية كانت مهدية العيال اللي في العربية صرخوا كلهم صادق فؤاد - هو صادق فؤاد ده مين - وبدأ يشاورا ويندهوا ناحية مجموعة قاعدين بكراسي في نص الشارع بتاع جامعة الدول وبالظبط قدام محل درامر وهنا فهمت الدنيا صادق فؤاد ده واحد مسنود وذي ما بيتقال ليه دلال على الحكومة وهو صاحب أو مستأجر المحل ده قام سوبر صادق واتحرك ناحية البوكس ونده أمين الشرطة اللي طلع امين شرطة مش ظابط- يافضيحتك يا ضاحي ده أمين شرطة اللي مسكك- المهم يا أحمد يا عبد التواب انت رايح فين واتلفت ليه أحمد عبد التواب وقال "عم صادق" !!!!!!!!!!!!!!!!!!!!!!! أحـــــــــــــــــــــــــــــــــــــــــــه يا قوادين مش صادق ده هو اللي كنت بتقول عنه ماحدش بيقف قدام القانون قام صادق ومعاه واحد وسلم على المغاوير واحد واحد ونزلو له وبالأحضان وشغل تختيث ليه صاحبنا بص في العربية عارف بقية العيال قاله أيه يا احمد انت واخد المنطقة كلها -منطقة شغلي مش العمرانية- ياباشا انت مين يخصك فيهم بس وانا انزلهولك قال له صادق ده وده وده نزلوا ده وده وده بس الأمين عامل مقموص عشان في واد منهم برطم فيه وهو - ابن الست المش كويسة- ماحدش فتح بقه معاه غير الولا المجنون - أنا طبعاً- ومن هنا لهنا قال صادق لا ياعم انت سيبك وتعال اسهر معايا وينزلوا كلهم وتعال انت ورجالتك انا سمعت كده وقلبي انطرب الحمد لله ربنا ستر - يروح القواد ابن القوادين يقول له خلاص راضي انت سواق العربية وخليه يرجع بيهم بين السرايات وبالفعل صادق فؤاد اللي ما اعرفهوش يراضي السواق اللي ماكانش راضي يتراضى عشان هو قال احنا شباب ذي بعض وربنا ما يرمي حد في ضيقة وبالفعل ناخد بطايقنا ونمشي ضحك هستيري محدش مصدق حاجة من اللي حصلت وصلنال الحكومة وراجعين بالعربية وخد سيجارة وهات سيجارة وانت اسمك ايه وانت مين وفي غمرة فرحنا واحنا راجعين وفي نص الطريق تقابلنا عربية تويوتا تاااااااااااااااااااااااااااااااني يادين أمي أحـــــــــــــــــــــــــــــــــــــــــــــــــــــــــــــا دي حكومة ياض تاني ,,,,,,,,,,,,,,,,,,,,,,,,,,,,,,,,,,وإنهيار تام ماحدش عارف يقول لهم احنا كنا فين ولا جايين منين ولا يقول احنا مين صدمة عجيبة بدأنا نلتقط انفساسنا وبدأنا نفهمهم اللي حصل والناس واحمد بيه نزلنا البيه شعبان اللي هو الجديد هو اللي ذي احمد بيه ما اقتعش فتش العربية ولم البطايق وخدنا في عربيته تاني حكــــــــــــــــــومة تاني ونلف تاني "عزبتهم ولاد الوسخة" مش بلدنا بدأنا نحاول نفهمه تاني مش بيفهم منقينه مش عارف منين..... المهم الولا السواق ابن بلد قوي قوي وقال ياباشا ممكن حد يتصل بالباشا احمد عبد التواب واعرف منه قبل ما يرد كنا بنضور على تليفون ولاقينا تليفونات بس كلها مش فيها رصيد.............................. يا بيضاااااااااااااااااااااااااااااااااااااااتي المهم الولا السواق ابن البلد الأصيل قال انا عارف سنترال وحود بالعربية وبالفعل أخدهم في دوكة ووقف قدام السنترال وجاب تليفون للباشا والباشا اتصل بالباشا اللي كان في المحل بيسكر وسلموا على بعض واحنا قلوبنا بتدق وقلقانين لحد ما سمعنا ماشي ياباشا هينزلوا يالــــــــــــــــــــــــــــــــــــــــــــــــــــــــهوي ايه ده مش مصدق الحمد لله أخدت بطاقتي وهاتك يا جري في وسط الشارع عايز اوصل المكتب واطمن الناس زمانهم خربوا الدنيا عليا..... وجيت المكتب طمنت الناس خلصت الشغل اللي ورايا واديني بكتب لكم واحكي ايه حصل يعني خرجت الحمد لله
من جريدة الوعي المصري الإلكترونية
عن مدونة أفكاري
