إفضحوا المجرمين ووثقوا جرايمهم..، هاييجي اليوم ونحاسبهم

Tweet

في الصورة: المجرم "النقيب عمرو عبد العظيم" ضابط الشرطة الذي اعتدى على الطالبة "سمية أشرف"، وقد أثبت التقرير الطبي أنها أُصيبت بنزيف داخلي إثر اعتداءات الموثقة بالفيديو أعلاه.

تقرير مصور: مظاهرة حركة حقي بجامعة القاهرة لنصرة فلسطين

Tweet

الثلاثاء: 16 مارس2010

نظمت حركة حقي - جامعة القاهرة - مسيرة؛ لدعم المرابطين في الأقصى والمقاومة الفلسطينية

شارك في المسيرة حوالي 500 طالب، كما شارك كل من طلاب أندية الفكر الناصري، وطلاب حزب العمل

ندد المتظاهرون بالإنتهاكات الصهيونية للمقدسات الدينية، الاسلامية والمسيحية، كما أعربوا عن مناهضتهم لعمالة النظام المصري، والتطبيع، وعن دعمهم الكامل للمقاومة المسلحة، كطريق وحيد لتحرير فلسطين، بدلا ً من مهزلة التفاوض مع السفاحين الصهاينة

وكانت المسيرة قد بدأت من ساحة كلية التجارة، ومرت بكليات: دار العلوم، والآداب، والحقوق، والعلوم

اقتحم المتظاهرون بوابة الجامعة، واتجهوا نحو السفارة الاسرائيلية، الا أن الأمن حاصرهم بآلاف الجنود والمدرعات، فعاد الطلاب للتظاهر داخل الجامعة؛ خوفاً من أن يغلق الأمن البوابة، ويمنعهم من الدخول مرة أخرى

استمرت المظاهرة مابين ساعتين الى ثلاث ساعات، ثم انتهت بمؤتمر، أمام مبني ادارة الجامعة (القبة)، أكد فيه طلاب حركة حقي على أن: طريق تحرير القدس يبدأ بتحرير العواصم العربية، من الأنظمة الديكتاتورية المتواطئة مع الصهاينة

حركة حقي - جامعة القاهرة

---------------------------------

للاستفسار والمشاركة
---------------------------------
قابلونا في الجامعة يوميا، عند تمثال سياسة واقتصاد، من 12 ظهراً وحتى 3 عصرً
---------------------------------
Mobile: 0161413163
E-mail: hakycairo@gmail.com
Blog: http://www.hakycairo.blogspot.com
FaceBook Group: http://www.facebook.com/group.php?gid=173610564580&ref=ts

مظاهرة حركة حقى بجامعة القاهرة أمس، ضد إلغاء محاضرات الانتساب

Tweet

تغطية من اليوم السابع

Live Coverage: Cairo University Protests, April6th-2009 -- بث مباشر: مظاهرات جامعة القاهرة 6إبريل 2009

Tweet

وقفة احتجاجية للتضامن مع غزة

Tweet

يدعوكم طلاب حركة حقى لوقفة احتجاجية
غدا الاربعاء
بجامعة القاهرة 11 ظهرا

للتضامن مع غزة فيما تتعرض له من مجازر وحشية على يد اسرائيل

ومن اجل فضح النظام العميل الذى يساعد الكيان الصهيونى ويمده بالغاز المصرى المدعوم

وبينما كان يقفل المعابر فى وجه الفلسطينيين اول امس

سمح بدخول 300 صهيونى اسرائيلى للاحتفال بمولد ابو حصيرة

كلنا مع غزة .. النصر للمقاومة
تسقط إسرائيل .. يسقط نظام مبارك العميل .

أشعار حركة حقي - جامعة القاهرة

Tweet

بص يا عم الزمن اللي هو

تقوله كويز يقولك تجارة

وكل حاجة فيها شطارة

تجارة جميلة مكاسب كتيرة

لا تقوللي اقصى ولا حتى المدينة

المهم املى بطني بفواكه كبيرة

بس اصلية... مش بتاعة العامة الحقيرة

اصل فيها مواد خطيرة

قالوا انتخابات وليلة كبيرة

حرية... ديمقراطية... وكدبة كبيرة

وقبل الكلام كانت النتيجة محسومة

فازوا بنجاح ساحق والعدالة معدومة

وطرقهم للنجاح معروفة ومنظومة

يزوروا... يشتروا الصوت

ولو منفعش... برضو البلطجي موجود

ويطلع علينا الخسران الحقود

ويصرخ بعلو الصوت

دول زوروا. دول بلطجوا. دول اشتروا الصوت

ويطلع علينا الباشا الكبير, زعيم حزب الحمير

يقول له امشي ياواد... بطَل نعير

دي انتخابات نزيهة وفي منتهي الفير

... وبعد كام يوم من الليلة الكبيرة

دي عبارة غرقت وضحايا كتيرة

قالولنا حريقة وقالوا سريقة

وتوهونا عن الحقيقة....

قولنالهم صاحب العبارة اهو

اللي غرقنا او اللي حرقنا او اللي سرقنا اهو

قالولنا ازاي يكون هو

ده في قلب الحكومة من جوه

وبين هو او مش هو... هرب هو

وطلع علينا الباشا الكبير زعيم حزب الحمير

وقال : ايه يا ناس يا تعبانة

ده راجل عنده حصانة

وراح لندن يزور خالته العيانة

والله دي ناس جعانة

بيشتموا فينا زي الكلاب السعرانة

ولا هيرتاحوا غير لما ياخدوا

اخر هدمة مغطيانا

**********************************

فرعون الجامعة

فرعون قاعد على البوابة ومفتح عينيه

خايف لحد ينطق بكلمة حق من حواليه

قالولنا ان فرعون من غيره الجامعة تخرب

غيَبوا عقولنا واحنا المجانية منا بتهرب

شوفوا طلاب هندسة كليتهم ولعت بيهم

كان فين فرعون وحرسه ورجاله اللي مخاويهم

كانوا مشغولين شوية بكبت أي حرية

وقتل أي نية لحق يطلع فيهم

جامعة بقانون اعمى محكومة

فرعون فيها هو الحاكم والحكومة

الحكم هو رغبته والكل خدامه

يمشي ورا شهوته وعلينا احترامه

جبروته نازل علينا واحنا مش بأيدينا

غير اننا نركع ونقول قدامه : عاش عاش فرعون عاش

أبداً...

هما نهابين القوت , خرابين البيوت

واحنا الطلبة للحق صوت

وعمر الظلم ماهيسكَت للحق صوت

هنفضل على طول

نهتف ونقول

يسقط كاتم نفسنا ... يموت فرعون يموت

**********************************

شارع الأزهر

كنت ماشي في شارع الازهر وكان فيه كمين

وقفني ظابط وقالي انت اللي فجرت الحسين

يا عم الظابط طب ليه ... وانا ليَا في الحسين ايه ؟

لا ليَا عدو عايز اربيه .. ولا ليَا قانون في مجلس عايز اعديه

روح شوف مين كان ده في مصلحته واقبض عليه

وياريت تقوله مكانش ليها عازة الحكاية ديَه

ده القانون معدي من مجلس ولاد الغبية

ولا ضغط دولي طول ما راكع للصهيونية

"اخرس يا كلب

انت إرهابي وابوك إرهابي

يا شعب خونة اجمعين"

يا ظابط فاجر زي اللي باعتك

انا اللي خاين ولا اللي باع الهوية

اللي صدَر غازنا للدبابة الصهيوينة

اللي بنا "بعز" جدار عازل للكلبة ديَه

اللي شارك في الحصار واللي دافع عن الدمار

واللي خلَانا ماشيين بعار

يا عم الظابط احبسني

من بداية الكون وانت السجَان وانا المسجون

وتلاقونا احنا الاتنين بميت لون

انا كنت مع الصعاليك والحرافيش والثوَار

وانت كنت مع الدرك والقلم السياسي والاستعمار

وافتكر ان كل ما تحبسني الناس بتبقى معايا

تقوم ثورة وتكون بداية النهاية

نهاية كل ظالم ... ونهايتك معايا