Saturday, July 08, 2006

صور من قصر الرئاسة

كان نفسي أحط الـ 10 صور اللي عندي في بوست واحد لكن ماكانش ينفع فاضطريت أحطهم على مرتين
وعلى فكرة الصور دي من على جروب اسمه الورده وبيناقش في الأساس فضايح الفنانين والمشاهير وكده يعني بس أنا وصلتني الصور دي وحبيت أوريهالكوا يمكن تعذروا الراجل يعني هو هايفتكر الطريق صح جوة القصر بتاعة واللا هايفتكر ان فيه حاجة اسمها شعب واللا حرية واللا ... واللا ... الخ
ده برضه راجل عجوز عنده فوق التمانين سنه وأكيد عنده زهايمر
بكل صراحة القصر ده يجيب زهايمر للي ماعندوش حتى لو كان عنده عشرين سنه
غرفة الانتظار تقريبا

الغرفة الصيفية علشان يعرف يفكر وهو بيتفرج على السما
مش عارف دي ايه بالظبط لكن ممكن تكون قعده فرعوني لزوم الترويش يعني الناس الاجانب اللي بتيجي ومعندهاش وقت تروح الهرم وخان الخليلي يعملهم فرعون دليفري لحد قصر الرئاسه
سلم الجنينه
ودي ياإما غرفة انتظار تانية

ياإما المكتب الصغير

8 اترك تعليق:

shoowbash said...

طب نكتب التعليق في انهي بوست يعني ياعم مشاهد ..قصره .... شكلك صحيح عندك كتير من الافكار ..بس بخيل شويه ...لكن مايضرش ... المهم بأه يعني انت حاطط الصور دي علشان الراجل ده يصعب علينا ولا ايه ؟؟... ما اهو انا دلوقتي عزرته وعرفت ليه هو متبت في الكورسي بأيده ولسانه ...ما اهو مينفعش يسيب كل ده ...انا مش هقول حاجه مستحيله واقولك ..لو انت مكانه هتعمل ايه لان عارف ردك ...لكن مبارك يعمل ايه ... الهلمه دي كلها مش حبه يعني ..وفي الاخير عايز اقولك
a7a yabalad
ايوه واللهي ..مش لاقي كلام تاني اقوله

حسن عتمان said...

مع إحترامى الشديد لكم إلا اننى اؤكد ان هذة الصور لا تمثل قصر الرئاسة من قريب او بعيد هذة الصور من قصر عابدين والمنتزة ويمكنك زيارتهم بنفسك حيث انهم مفتوحين للجمهور لما تحوية من تراث الاسرة الملكية فى مصر اؤكد لكم ذلك حيث انة تسنى لى الدخول إلى القصر بحكم عملى الصحفى ولدى صور قديمة لقصر الرئاسة بمصر الجديدة حين كان فندقاً فى اوائل القرن الماضى

gananoor said...

بص بجدوالله انت متأكد من الصور ديه ولا ده كلام نت

Mamdouh Dorrah said...

فيه شبه كبير أوي من بيتنا

mashahed said...

العزيز حسن عتمان
مع كامل احترامي لك لكن اليس كل من قصر عابدين وقصر المنتزه قصورا رئاسية؟
ما تقوله يؤكد ويزيد من الفكرة ان الراجل ده مش هايلاحق يحفظ قصوره والطرق داخلها وإذا كان قصر واحد يشغله عن معرفة حقائق فساده وحقوق شعبه فما بالك بعدد القصور التي يتمتع بها في حين أن أكثر من 45% من الشعب المصري يعاني تحت خط الفقر

أما بالنسبة للصور التي لديك لقصر مصر الجديدة من الداخل فإذا أردت و أرسلتها الى كل البلوجرز لينشروها ليتعرف الناس على الحقيقة التي تؤكد أنه لا يعاني من جراء حكمه لمصر - كما يدعي - ولنه يتمتع ايما متعة من خلال استيلائه على الحكم لمدة ربع قرن وإيميلي هو osama.che@gmail.com إذا أحببت أن ترسل الصور وأكون شاكرا لك جزيل الشكر

mashahed

MAKSOFA said...

ياعم نت حا تهجس علينا دي صور قصور قديمةمن أيام الملكية ،دي أساطير عثمانية

mashahed said...

متأسف يا عم أو يا ست ( مكسوفة )لكن بس عندي سؤال ممكن ؟ هي يعني لا مؤاخذة يعني القصور اللي عايش فيها مبارك ورجالة الحكومة كانت اتبنت أول امبارح واللا كانت موجودة قيل انقلاب يوليو وبعد الانقلاب قامت القصور دي اتأممت وبدال ما تكون ملك الشعب بقيت ملك الحكومة والنظام
في أكتر من ان محافظ الاسكنمدرية عايش في قصر من أيام محمد علي وأسرته ؟


صباح الخيييييييييييييييييييير

eshteraky said...

ايه ياعم انت الحقد دة اما صحيح اشتراكي