Saturday, July 08, 2006

تابع - صور من قصر الرئاسة

دي تقريباً كده الصالة

غرفة الشاي والذي منه


دي بأه أفتكر انها غرفة التليفزيون

ده بأه المكتب الرئاسي

ودي يادوووووب طرقة مابين الغرف

واللهي مانا عارف احنا بانهاجم الراجل ده ليه ماهو بيخلينا شكلنا نضاف قٌدام العالم ..... يعني احنا عايزينه يعيش في بيت زي أي واحد جربوع فينا ؟؟

لا سمح الله يحصل في مرة لقاء مع سعادته ويكون البيت مش متوضب يعني يبقى شكلنا وحش قوي

وبعدين الريس لازم بيته يكون واسع

علشان ضيوفه كتيييييييييير وكلهم أجانب وعنيهم فارغة وبصباصين ولاد كلب تكون ماما سوزان طالعة من الحمام أو لسه صاحية من النوم والسيدة الأولى يعني زي أي بني أدم بتنام على راحتها ولا مؤاخذة يقوم واحد من ولاد الكلب دول يبص لها واللا يعاكسها والريس مش واخد باله معلهش ماهو برضه الراجل يعني مش كمبيوتر هايبص على الضيوف واللا هاياخد باله انهم بيعاكسوا ماما سوزان ؟؟؟ مش برضه ربنا عرفوه بالعقل

يعني هو حد فينا يرضى ان مامته تتعاكس ودي مش بس مامته دي ماما سوزان مامت كل المصريين

مش بالظبط يعني

لكن لو كان اللي يتجوز أمي أقول له ياعمي يبقى الأولى ان أقول ماما على مرات الراجل اللي نايم على مصر كلها نفر نفر دكر ونتاية بقاله 25 سنه ولسه ماتعبش

والظاهر مش ناوي يتعب

7 اترك تعليق:

Purple-Double-D said...

و الله معرف أضحك ولا أبكي

Mohamed Zahid said...

you made me laugh till the tears dropped off my eyes :-)

Mr.GEMYHOoOD said...

على فكرة بقة كدة عيب قوى و مش هاينفع

انت كدة بتغرينا دة اولا

ثانيا بعد الصور دى المفروض تنشر بتاع عشرين قنبلة و تكتب تحتهم اللى مفروس يروح يفجر نفسه فى اى منشأة حكوميه

tigerheart said...

عاوز عارف حاجه فى غرفه التليفزيون لمين الكراسى دى كلها هو اتجوز على ماما سوزان

tigerheart said...

فى حاجه عاوز اعرافها فى غرفه التليفزيون لمين الكراسى دى كلها هى بابا مبارك اتجوز على ماما سوزان ولا ايه elkamhawi1991.blogspot.com

Anonymous said...

فى حاجه عاوز اعرافها فى غرفه التليفزيون لمين الكراسى دى كلها هى بابا مبارك اتجوز على ماما سوزان ولا ايه elkamhawi1991.blogspot.com

youssef said...

That’s abdim palace build by the previous royal family, for sure “this days” family will have a fancier one.